Бой удаўся

Дэсант узначальваў капітан першага рангу Клімоўскі. Не паспелі маракі высадзіцца на бераг, як ён сустрэў дэсантнікаў агнём, дружным і ўпартым. Узбярэжжа гудзела ад суцэльнай страляніны і выбухаў. Паўзмрок прашывалі агнявыя трасёры. Па гуках бою, па вогненнай мяцеліцы, якая пачала адкочвацца ад берага далей і далей, капітан зразумеў, што перавага ў баі была за дэсантнікамі. Дэсантнікі, каб не даць фашыстам адарвацца, кароткімі перабежкамі праследавалі ворага.

3 усіх дэсантных аперацый, якія ўзначальваў капітан Клімоўскі, гэта была самай удалай. Фронт часткова выраўняўся на нашу карысць, сям-там падаўся на захад. Усе адчувалі: наспела пара для пачатку вялікага і апошняга наступлення. Было відаць, што нацяты, як тугая цеціва лука, фронт хутка зрушыцца з месца. Гэта будзе бязлітасная, помслівая адплата за ўсё: за цяжкія трагічныя дні адступленняў, за дэсанты, якія не вярнуліся назад, за экіпажы нашых караблёў, што ляжаць на дне мора. (138 слоў)

Паводле В. Хомчанкі.