Машына часу

Новая дзіцячая кніга, выпушчаная спецыяльна да Дня беларускага пісьменства, называецца «У гасцях у Францыска Скарыны». Яе напісалі вядомая пісьменніца Алена Стэльмах і пяць дзяўчынак рознага ўзросту. Кожная з дзяўчынак прыдумала сваіх герояў і іх незвычайныя прыгоды. Згодна з сюжэтам кнігі, граф Эмерык пры вельмі загадкавых абставінах знаходзіць незвычайны куфэрак, з дапамогай якога ён можа падарожнічаць у часе. I вось граф, яго дачка, садоўнік і шэраг іншых цікавых герояў выпраўляюцца ў падарожжа ў друкарню Францыска Скарыны, вярнуўшыся ў гістарычны час пяцісотгадовай даўнасці.

Неверагодныя прыгоды чакаюць не толькі герояў, але і чытачоў, якія павінны падчас чытання выконваць займальныя практычныя заданні. Кніга не толькі цікавая, але і карысная, бо пабудавана на рэальных фактах з гісторыі Беларусі, пераплеценых з легендамі і паданнямі сівой мінуўшчыны. (122 словы)

Паводле Л. Мінкевіч.