Воін-вызваліцель

У берлінскім Трэптаў-парку велічна ўзвышаецца помнікманумент. Савецкі салдат прыгарнуў да грудзей вызваленую з-пад руін маленькую нямецкую дзяўчынку. У правай руцэ ён трымае меч, што разбіў фашысцкую свастыку. Правобразам для помніка стаў беларускі салдат Трыфан Лук'яновіч, які быў родам з Лагойскага раёна. Скульптар Яўген Вучэціч і архітэктар Якаў Белапольскі стварылі праўдзівы вобраз воіна-вызваліцеля, раскрылі такія высакародныя рысы яго характару, як мужнасць, гераізм, чалавекалюбства. У вобразе савецкага салдата адлюстравана ўсведамленне вялікай адказнасці за лёс сваёй Радзімы, за лёс наступных пакаленняў, за лёс усяго чалавецтва.

Мужны, справядлівы, з чыстай душой. Такім прыйшоў савецкі воін у Еўропу ў тысяча дзевяцьсот сорак пятым годзе. Такім яго прынялі і запомнілі. Знешняй прыгажосці не было: крылатыя плашч-палаткі, прапахлыя дымам шынялі, кірзавыя боты, палінялыя пад сонцам пілоткі. Але была ўнутраная прыгажосць. Яна свяцілася ў стомленых вачах, у шырокіх, на ўвесь твар, усмешках. (135 слоў)

Паводле X. Жычкі.